Еркін ауылындағы екі қабатты тұрғын үйдің аулалары абаттандырылады. Бұл жөнінде Талдықорған қаласының әкімі Ернат Дүйсенбекұлы ауыл тұрғындарымен болған жүздесу кезінде айтты, деп хабарлайды 7su.kz желілік басылымы.
Алдымен, қала әкімі өңірді одан әрі дамытуға бағытталған жоспарларымен таныстырып, ауыл тұрғындарының сұрағымен жалғасты.
Мәселен, ауыл тұрғындары жол, көше жарықтары, аулаларды абаттандыру, газ мәселесі және қоқыс төгу алаңына қатысты мәселе көтерілді. Осы туындаған мәселелерді мұқият тыңдаған қала әкімі Ернат Дүйсенбекұлы жауаптыларға тиімді жағын қарастыра отырып, белгілі бір мерзімде орындау керектігін тапсырды.
«Өңірдің одан әрі кемелденіп дамуы үшін барлық мүмкіндіктер бар. Сондықтан да елдің әлеуетін арттыратын, тың жоспарымызды бақылауда ұстап, кезең-кезеңімен жүзеге асыруымыз қажет» — деді, қала әкімі.
