Бүгін – Ядролық сынақтарға қарсы халықаралық іс-қимыл күні. Осыған орай Мемлекет басшысы Қасым-Жомарт Тоқаев әлеуметтік желідегі парақшасында үндеу жариялады, деп хабарлайды 7-su.kz ақпараттық порталы.
Президент атап өткендей, бұл атаулы күнді Біріккен Ұлттар Ұйымы Бас Ассамблеясы Қазақстанның бастамасымен бекіткен.
– «Халқымыз атом қаруын сынаудан орасан зор зардап шекті. Мұндай қасірет қайталанбауға тиіс», – деп жазды Қасым-Жомарт Тоқаев.
Айта кетейік, 1949–1989 жылдар аралығында Семей полигонында 450-ден астам ядролық жарылыс жасалып, жүздеген мың адам зардап шекті. Қазақстан ядролық сынақтарды толықтай тоқтатуға және жаппай қырып-жоятын қарудан азат әлем құруға бағытталған бастамалардың алдыңғы қатарында келеді.
