Адам қаңқасының тірегі саналатын омыртқаның дұрыс қалыптасуы денсаулықтың маңызды бөлігі. Омыртқа лордоз, кифоз және сколиоз деп аталатын 3 негізгі иілімге ие.
Олар адамның дене қалпын, қозғалыс тепе-теңдігін және омыртқаға түсетін жүктемені дұрыс бөлуге мүмкіндік береді.
Лордоз – омыртқаның алға қарай иілуі. Бұл иілім табиғи және патологиялық болып 2-ге бөлінеді. Табиғи лордоз – бел және мойын бөліктерінде қалыптасады. Дененің тепе-теңдігін сақтауға, ауырлық күшін дұрыс бөлуге көмектеседі.
Патологиялық лордоз – бұл омыртқаның шамадан тыс алға иілуі. Бел аймағында айқын көрінеді. Мұндай жағдай дене қалпының бұзылуына әкеледі.
Емдеу үшін терапиялық жаттығулар жасау керек, массаж және физиотерапия алу, ортопедиялық құрылғылар, ауыр жағдайларда хирургиялық ем қабылдаған жөн.
Кифоз – омыртқаның артқа қарай иілуі. Табиғи кифоз кеуде және сегізкөз бөлігінде болады, бірақ бұл иілім шамадан тыс артқан жағдайда патологияға айналады.
Емдеу үшін арнайы жаттығулар, корсет қолдану, хирургиялық түзету (ауыр жағдайларда).
Сколиоз – омыртқаның бүйір жаққа қисаюы. Бұл қалыпты жағдайға жатпайды, сондықтан әрдайым патологиялық деп есептеледі. Мұны емдеу үшін де арнайы жаттығулар жасап, корсет қолданған дұрыс. Ауыр жағдайларда ғана хирургиялық емге жүгіну керек.
Мұндай аурулардың алдын алу үшін түзу отырып, арқаны табиғи иілімнен сақтаған дұрыс. Суда жүзу керек, йога немесе арнайы жаттығулармен шұғылдану қажет. Ауруды ерте кезеңнен емдеу тиімді. Егер омыртқада ауырсыну немесе иілімдердің қалыптан тыс өзгеруі байқалса, дәрігерге қаралған дұрыс.
Ж. ЖАМАУБАЕВ,
ШЖҚ «Талдықорған жоғары
медициналық колледжі» МКК
МІ 512-топтың студенті,
Д. АҚЖІГІТОВ, жетекшісі
