Әзербайжан президенті Ильхам Әлиев бүгін Қазақстанда болған ұшақ апатына қатысты пікір білдірді. AZAL әуе компаниясының ұшағы Ақтау әуежайынан 3 шақырым жерде құлады.
Әзербайжан президентінің баспасөз қызметі ресми сайтта хабарлағандай, бұған дейін ТМД саммитіне қатысу үшін Санкт-Петербургке ұшып барған Ильхам Әлиев ұшақ апатына байланысты елге оралуға мәжбүр болды.
«Маған берілген ақпарат бойынша, Баку-Грозный бағыты бойынша ұшатын AZAL ұшағы ауа райының нашарлауына байланысты бағытын өзгертіп, Ақтау әуежайына қарай қонар сәтте апатқа ұшырады. Ұшақтың құлаған сәтінің көрінісі БАҚ-та және әлеуметтік желілерде жарияланды. Әртүрлі нұсқа бар. Бұл туралы айтуға әлі ерте деп ойлаймын», — деді кеңесте Ильхам Әлиев.
Бұл мәселенің толық зерттелуі керектігін баса айтты.
ОҚИ ОТЫРЫҢЫЗ.
— ҰШАҚ АПАТЫНА БАЙЛАНЫСТЫ ПРЕЗИДЕНТ ТАПСЫРМАСЫ. АРНАЙЫ КОМИССИЯ ҚҰРЫЛАДЫ
— ҰШАҚ АПАТЫНА БАЙЛАНЫСТЫ ҚЫЛМЫСТЫҚ ІС ҚОЗҒАЛДЫ
