Жасөспірімдер арасындағы ерте жүктілік қоғамдағы маңызды әлеуметтік және медициналық мәселелердің біріне айналды.
Денсаулық сақтау министрлігінің мәліметінше, жүктіліктің шамамен 14 пайызы 15 – 19 жас аралығындағы қыздардан келеді. Бұл дереу әрекет етуді қажет ететін, алаңдатарлық көрсеткіш.
Ерте жүктіліктің алдын алуда медициналық қызметтердің болуы да маңызды. Сауалнамаларға сәйкес жасөспірімдердің 55 пайызы профилактикалық бағдарламалар енгізілгеннен кейін медициналық қызметтерге қолжетімділіктің жақсарғанын хабарлады. Мәселен, клиникалар мен қоғамдық орталықтарда жұмыс істейтін медбикелер кеңес береді және жасөспірімдерге қажетті ресурстарды табуға ықпал етеді. Олар ұсынатын кеңес беру қызметі жасөспірімдерге саналы шешім қабылдауға көмектеседі.
Жасөспірімдер арасында ерте жүктіліктің алдын алу – кешенді тәсілді қажет ететін міндет. Бұл процесте медбикелер білім беру, қолдау және медициналық қызметтерге қолжетімділікті қамтамасыз ету арқылы шешуші рөл атқарады.
Жастардың болашағына қамқорлық жасау – біздің жұмысымыз ғана емес, міндетіміз. Әрбір жасөспірімді хабардар ету арқылы ерте жүктілік деңгейін төмендетуге және алдын алуға қадам жасаймыз.
Айсұлу Нұрғизат,
ШЖҚ «Талдықорған жоғары
медициналық колледжі»
МКК Сд 512-тобының студенті
Назгира Зайноллақызы,
жетекшісі
