Жетісу облысының әкімі Бейбіт Исабаев дәл қазіргі сәтте Алаөкөл ауданының тұрғындарымен кездесу өткізіп, өңірдің дамуы бойынша есеп беріп, атқарылып жатқан жұмыстарға тоқталды.
Биыл Алакөл ауданының жергілікті автомобиль жолдарын қайта жаңартуға, жөндеуге және күтіп ұстауға 1,4 млрд. теңге бөлінді.
Үшарал қаласы мен 13 ауылда Екпінді, Қамысқала, Қазақстан, Еңбекші, Қабанбай, Бескөл, Ж.Балапанов, Ақтүбек, Жайпақ, Ақжар, Қарлығаш, Қайнар, Ақши). барлығы 20,6 шақырым аудандық, кентішілік жолдар мен көпірді 903,2 млн. теңгеге күрделі және орташа жөндеу жұмыстары осы жылға жоспарланған.
Бұл жөнінде облыс әкімі аудан басшысы Алмас Сапарғалиұлына қатаң бақылауға алып, жыл соңына дейін аяқтауды тапсырды.
Одан бөлек «Талдықорған – Қалбатау – Өскемен» автожолының облыс аумағынан өтетін 314 шақырым учаскесіне қайта жаңарту жүргізілуде, оның 312,5 шақырымында асфальт төселіп, автокөлік қозғалысы ашылды. Көлбай (қазанда аяқталады) мен Қабанбай (тамыздың аяғында бітеді) ауылдарындағы екі көпірдің құрылысы және солардың аумағындағы қалған 1,5 шақырым жолда асфальт төсеу жұмыстарын толықтай аяқтау ағымдағы жылдың соңына дейін жоспарланған.
«Үшарал – Достық» республикалық маңызы бар автожолын қайта жаңарту жалғасуда, 0-90 шақырым учаскесі пайдалануға берілді, 90-180 шақырым учаскесін ағымдағы жылдың соңына дейін іске қосу жоспарлануда.
