Бұл туралы ҚР Еңбек және халықты әлеуметтік қорғау министрлігі хабарлады.
Субсидияланатын жұмыс орындарына жолданғандар саны – 106,3 мың адам, оның ішінде:
-
Қоғамдық жұмыстарға – 78,3 мың адам
-
«Күміс жас» жобасы бойынша – 11,1 мың адам
-
Әлеуметтік жұмыс орындарына – 9,6 мың адам
-
Жастар практикасына – 6,6 мың адам
-
«Алғашқы жұмыс орны» жобасына – 680 адам
-
«Ұрпақтар келісімшарты» аясында – 33 адам
Онлайн оқыту арқылы сұранысқа ие дағдыларды меңгергендер саны – 36,6 мың адам, олардың 34,5 мыңы курсты аяқтап, сертификат алған.
«Бастау Бизнес» жобасы аясында 14,1 мың адам кәсіпкерлік негіздеріне оқытылды, олардың 7,3 мыңы оқуды аяқтап, тиісті сертификатқа ие болды.
Жұмыс берушілердің сұранысы бойынша кәсіби оқытуға – 802 адам жіберіліп, 51 адам оқуды аяқтады.
Сонымен қатар, 140,7 мың адам кәсіби бағдар беру орталықтарында кеңес алып, өзіне қолайлы қызмет саласын анықтауға мүмкіндік алды.
Министрлік өкілдері нақты жұмысқа орналасу фактісі міндетті зейнетақы жарналарының төленуі арқылы расталатынын атап өтті.
Жұмысқа орналастыру мына бағыттар бойынша жүзеге асырылды:
-
Жұмыспен қамту шаралары аясында – 87,8 мың адам
-
Электрондық еңбек биржасындағы бос орындарға – 31,7 мың адам
-
«10 мың тұрғынға – 100 жұмыс орны» бастамасы бойынша – 23,6 мың адам
-
Мемлекеттік жобалар аясында – 42 адам
Грант алуға өтінім қабылдау басталады
2025 жылы әлеуметтік осал топтарға 400 АЕК-ке дейін (1 572 800 теңге) гранттар беріледі. 9 мың грант беру көзделген.
Өтінімдердің алғашқы легі 21 мамыр мен 3 маусым аралығында қабылданады.
