Су – тіршіліктің негізі, табиғаттың баға жетпес байлығы әрі елдің тұрақты дамуының маңызды кепілі. Бүгінде климаттың өзгеруі мен су ресурстарына түсетін жүктеме артқан шақта суды тиімді басқару, үнемді пайдалану және су шар- уашылығы инфрақұрылымын жаңғырту мемлекеттік саясаттың басым бағыттарының біріне айналды.
Жетісу облысы – ауыл шаруашылығы қарқынды дамыған өңір. Сондықтан егіс алқаптарын вегетациялық кезең- де тұрақты сумен қамтамасыз ету – біздің басты міндетіміз. Осы бағытта «Қазсушар» РМК Жетісу филиалы күн сайын ауқымды жұмыстар атқаруда. Филиал құрамындағы алты өндірістік учаске 13 су алу торабын, 4 су қоймасын, 3 су бөгетін және ұзындығы 4,6 мың шақырымнан асатын магистралдық әрі шар- уашылықаралық каналдарды үздіксіз пайдалануды қамтамасыз етеді. Бұл – мыңдаған ауыл шаруашылығы тауарын өндірушілердің еңбегіне негіз болатын маңызды жүйе.
Биылғы суару маусымында 116 мың гектардан астам егістік алқапты сумен қамту жоспарланған. Бүгінде шаруалармен мыңдаған келісімшарт жасалып, су беру жұмыстары белгіленген кестеге сәйкес жүргізілуде. Бұл – филиал ұжымының кәсіби әрі үйлесімді жұмысының нәтижесі.
Облыста су шаруашылығы инфрақұрылымын жаңғыртуға бағытталған ірі жобалар іске асырылуда. «Үштөбе» магистралдық каналы, Ақсу және Көксу аудандарының суару жүйелері қайта жаңғыртылып, жаңа гидротехникалық нысандарды салу мен қолданыстағы су қоймаларын реконструкциялау бойынша жобалар жүзеге асырылуда. Бұл жұмыстар су шығынын азайтып, су жеткізу сенімділігін арттыруға мүмкіндік береді.
Бүгінде цифрландыру жұмыстары да жаңа деңгейге көтерілді. Су беру қызметтері бойынша келісімшарттар толықтай электронды форматқа көшіріліп, биллингтік жүйе енгізілді. Бұл су есебінің ашықтығын қамтамасыз етіп, бақылауды күшейтуге және су ресурстарын тиімді басқаруға жол ашады.
Біз үшін су үнемдеу технологияларын енгізу, гидротехникалық құрылыстарды күтіп ұстау және су ресурстарын әділ бөлу – күн тәртібіндегі негізгі міндеттер. Тұрғындар мен су пайдаланушылар арасында суды ұқыпты пайдалану мәдениетін қалыптастыру бағытындағы түсіндіру жұмыстары тұрақты жүргізілуде.
Медет КЕРІМЖАНОВ,
ҚР Су ресурстары және ирригация
министрлігі «Қазсушар» РМК
Жетісу облыстық филиалының директоры
