Полицейлер жедел іздестіру шарасы барысында жәбірленушілердің ақшаларын пайдаға асыратын қылмыстық топтарды анықтады.
Облыстық ПД кибербол қызметкерлері арнайы операцияны ҚР ІІМ киберқылмысқа қарсы күрес орталығы мен облыс прокуратурасының үйлестіруімен Қарағанды және Солтүстік Қазақстандағы әріптестерімен бірлесіп жүргізді.
Облыстық полиция департаментінің мәліметінше, тінту барысында 35 ұялы телефон, 135 сим карта, 2 пневматикалық тапанша және 3 көлік тәркіленген. Бүгінде 80 жәбірленуші анықталды. Олардың шығыны 100 млн. теңгеден асады. Тәркіленген мобильді құрылғыларды талдау жалғасуда және көрсетілген көрсеткіш түпкілікті болып табылмайды. Сонымен қатар, жәбірленуші саны мен келтірілген залал сомасы да айтарлықтай өсуі мүмкін. Қазіргі уақытта қылмыстық іс бойынша тергеу жүргізілуде.
Айдар ҚАЛИЕВ
