Елімізде алаяқтардан жапа шеккендер көбейіп барады.
Мысалы, бір жас жігіт «пайдалы тур» үшін танысына шамамен 400 мың теңге аударған. Ол жеңілдікпен жолдама рәсімдеуге көмектесемін деген досына сеніп қалған. Бірақ ақшаны алған соң ол адам байланысын үзген.
Басқа жағдайда ер адам Польшаға жұмыс істеуге бармақ болып, интернеттегі «көмекшіге» сеніп, қаржысынан айырылған.
Алаяқтар мессенджерлер арқылы хабарласып, өздерін туристік агенттіктердің қызметкерлері немесе делдалдар деп таныстырады. Олар азаматтарды «мүмкіндікті жібермеу үшін» тез шешім қабылдауға мәжбүрлейді.
Полицияның кеңесі:
- Эмоцияға берілмеңіз, ұсынысты жақсылап тексеріңіз.
- Бейтаныс нөмірлерге сенбеңіз, ақпараттың рас екеніне көз жеткізіңіз.
- Ресми келісімшартсыз ақша аудармаңыз.
- Күдік туындаса, дереу полицияға хабарласыңыз.
Егер алаяқтардың құрбаны болсаңыз, 102 нөміріне қоңырау шалыңыз.
