Ішкі істер министрлігі қару-жарақ пен оқтарды заңсыз айналымнан алу бойынша жүйелі негізде жұмыс жүргізуде. 2-6 маусым аралығында елімізде республикалық «Қару» жедел алдын-алу іс-шарасы өткізілді, — деп хабарлайды Polisia.kz.
Нәтижесінде:
- заңсыз айналымнан төрт жүз қару, сонымен қатар, 2,5 мыңнан астам оқ-дәрі және алты жарылғыш зат алынды;
- қырық қару қоймасы анықталды;
- қаңтар оқиғасы кезінде ұрланған қару және полицияның арнайы жабдықтары тәркіленді, оның ішінде екі Калашников автоматы, төрт тапанша, төрт мылтық, сонымен қатар қызметтік бронежилеттер, каскалар мен щиттар;
- азаматтар тарапынан 87 қару өз еркімен тапсырылды.
— 29 мыңнан астам азаматтық қару тексеріліп, 845 адам әкімшілік жауапкершілікке тартылды. Полиция қызметкерлері 10 мыңнан астам шаруа қожалықтарын тексеріп, әртүрлі 65 қару тәркіледі, — деді ІІМ криминалдық полиция департаменті бастығы Қанат Нұрмағамбетов.
