Елімізде қазіргі уақытта кәмелетке толмағандарды ұстау орындарында 75 бала жазасын өтеп жатыр, деп хабарлайды BAQ.KZ тілшісі.
Мәжіліс депутаты Дәулет Мұқаев Ішкі істер және Оқу-ағарту министрліктерінің өкілдеріне қылмыстық құқық бұзушылық жасаған 18 жасқа толмаған кәмелетке толмағандар туралы заң жобасындағы маңызды мәселелер бойынша сұрақтар қойды.
Заң жобасы бойынша 18 жасқа толмаған балалар қылмыстық жауаптылықтан босатылып, олар ата-аналарына немесе балаларды алмастыратын мекемелерге қайтарылады.
Дәулет Мұқаев қылмыстық-атқару жүйесінде қазір қанша кәмелетке толмаған сотталушы бар және олардың қаншасы осы рақымшылыққа ілінетіні жөнінде нақты ақпарат сұрады.
Ішкі істер министрінің орынбасары Абай Қайырбеков қазіргі таңда 75 кәмелетке толмаған сотталушының жазасын өтеп жатқанын мәлімдеді.
Қазіргі уақытта кәмелетке толмағандарды ұстау орындарында 75 бала жазасын өтеп жатыр. Оның 70-і ұл, Алматы қаласындағы №11 мекемеде, ал 5 қыз Алматы облысы Жауғашты кентіндегі мекемеде жазасын өтеп жатыр. Осы сотталғандардың ішінде 4 жасөспірім рақымшылыққа ілігеді, (жаза) мерзімі қысқартылады. Сондай-ақ қазіргі уақытта қылмыстық атқару жүйесі мекемелерінде бұрын осы рақымшылыққа ілігіп, қайта қылмыс жасағандарды саны 2 мыңнан асады. Оларды да біз іріктеп қарадық. Оның ішінде рақымшылаққа ілігетін 30-дан астам адам бар, — деп түсіндірді ІІМ өкілі.
Оқу-ағарту вице-министрі Еділ Оспан заң жобасында «мамандандырылған мемлекеттік орган» деген ұғым балаларды, әсіресе жетімдер мен ата-анасының қамқорлығынсыз қалған балаларға арналған мекемелер деп нақтыланғанын атап өтті. Бұл мекемелер жергілікті атқарушы органдардың қолдауымен балалардың білім алуына, кәсіптік-техникалық оқуға түсуіне, сондай-ақ жатақханаға орналастыру мәселелерін шешуге мүмкіндік береді.
