Қазақстанда бұл бағыттағы жұмыстар «Сыбайлас жемқорлыққа қарсы іс-қимыл туралы» Заңға, сондай-ақ, мемлекеттік бағдарламалар мен стратегияларға сәйкес жүзеге асырылады. Негізгі міндет – қоғамда ашықтық пен әділдікті қамтамасыз ету, азаматтардың құқықтары мен бостандықтарын қорғау. Осы мақсатта мемлекеттік органдардың қызметі барынша қолжетімді және жариялы түрде жүргізілуде, цифрлық технологиялар кеңінен еңгізілуде.
Сыбайлас жемқорлыққа қарсы іс-қимылдың маңызды бөлігі – халық арасында құқықтық мәдениетті арттыру, адалдық пен әділдік қағидаттарын насихаттау. Білім беру мекемелерінде арнайы пәндер енгізіліп, жастарға адал еңбек пен жауапкершіліктің маңыздылығы түсіндірілуде. Сонымен қатар азаматтық қоғам институттары мен бұқаралық ақпарат құралдары да осы саладағы жұмыстарға белсенді атсалысуда.
Әрбір азамат сыбайлас жемқорлықпен күреске бейжай қарамай, әділеттілікті қорғауға атсалысса қоғамымыздың болашағы жарқын болары сөзсіз. Сыбайлас жемқорлықсыз Қазақстан – өркениетті, дамыған мемлекет құру жолындағы басты мақсаттардың бірі.
Жетісу облыстық қазынашылық департаменті өз тарапынан сыбайлас жемқорлықтың алдын алу бойынша жүйелі түрде профилактикалық жұмыс жүргізіп отырады. Атап айтсақ, 2025 жылғы 29 қаңтардағы «Жетісу облысы бойынша қазынашылық департаментінің сыбайлас жемқорлыққа қарсы іс-қимыл жөніндегі 2025 жылға арналған іс-шаралар жоспарын бекіту туралы» №15-н бұйрығына сәйкес сыбайлас жемқорлық тәуекелдеріне ішкі талдау тұрақты түрде жүргізіліп тұрады. Қазынашылықтың аумақтық бөлімшелері де тоқсан сайын бұқаралық ақпарат құралдарына аталған тақырыпта үнемі мақала жариялап жатады. «Сенім телефоны» тұрақты түрде жұмыс істейді. Департамент және оның аумақтық бөлімшелерінің қызметкерлері біліктілікті арттыру курстарына, сондай-ақ, сыбайлас жемқорлыққа қарсы тақырыпта өңірлік деңгейдегі немесе онлайн семинарларға жіберіледі. Сонымен қатар, департамент және аудандық (қалалық) қазынашылық басқармаларынада тоқсанына бір рет сыбайлас жемқорлыққа қарсы іс-қимыл агенттігінің Жетісу облыстық департаментінің қызметкерлері келіп семинар өткізіп, сыбайлас жемқорлықтың салдары тақырыбында түрлі бейнероликтер көрсетіліп тұрады.
Департаменттің Әдеп жөніндегі уәкілі ұжымдағы моральдық-психологиялық ахуалдың жай-күйіне тұрақты түрде мониторинг жасап, сыбайлас жемқорлықтың алдын алу бойынша профилактикалық сұхбаттар жүргізіп отырады.
Мемлекеттік қызметшілердің халық алдында оң имиджін қалыптастырудың бірден-бір жолы – сыбайлас жемқорлық фактілерін болдырмау. Сондықтан Жетісу облыстық қазынашылық департаменті осы мәселеге аса жауапкершілікпен қарап, үздіксіз жұмыс жүргізіп отыр. Әр мемлекеттік қызметші ең алдымен, ел алдында үлкен жуапкершілік пен заңға бірегей бағыну позициясын ұстанса, еліміз осы қоғам дертінен құтылады деп есептейміз.
А. Сансызбаев,
Жетісу облыстық
қазынашылық департаментінің басшысы
