Талдықорғанда полиция қызметкерлері жол қозғалысы қауіпсіздігін арттыруға бағытталған кең ауқымды профилактикалық акция ұйымдастырды. Іс-шараның басты мақсаты – тұрғындарға жол ережелерін сақтау қажеттігін еске салу және жол-көлік оқиғаларының алдын алу.
Акция барысында тәртіп сақшылары тек көлік жүргізушілеріне ғана емес, жаяу жүргіншілер мен балаларға да ерекше көңіл бөлді. Полицейлер жүргізушілерді тоқтатып, ақпараттық парақшалар таратып, жолда қауіпсіздік сақтау ережелерін түсіндірді.
Балаларға жол жиегінде ойнаудың қауіптілігі, жолды дұрыс кесіп өту тәсілдері және абай болудың маңыздылығы жайлы арнайы түсіндіру жұмыстары жүргізілді.
Құқық қорғау органдарының айтуынша, мұндай профилактикалық шаралар тек құқық бұзушылықтардың алдын алып қана қоймай, жолда қауіпсіз жүріс-тұрыс мәдениетін қалыптастыруға ықпал етеді. Жол ережелерін үнемі есте сақтау – әр азаматтың өмірі мен денсаулығын сақтау кепілі.
«Жетісу-Ақпарат»
