Талдықорған қаласындағы Шығыс шағын ауданында орналасқан №32 үйдің жанында жастар арасында төбелес болып, салдарынан бір жігіт пышақ жарақатынан оқиға орнында көз жұмды.
Қанды оқиға бойынша қылмыстық іс қозғалды. Полицияның мәліметінше, күдікті азамат ұсталып, уақытша ұстау изоляторына қамалған.
«Қазіргі уақытта оқиғаның барлық мән-жайы анықталып жатыр, тергеу амалдары жүргізілуде. Тергеу мүддесіне байланысты өзге ақпарат жария етілмейді», – деп хабарлады Талдықорған қаласының ПД баспасөз қызметі.
Күдікті – 2003 жылы туған азамат
Кейбір дереккөздердің хабарлауынша, ұсталған күдікті – 2003 жылы туған. Алайда жанжалдың нақты себебі мен оқиғаның қалай өрбігені әзірге белгісіз.
Оқиға орнынан түсірілген бейнежазба Kris_p_astana Telegram арнасында жарияланды.
Жастар арасындағы жанжалдың мұндай қайғылы жағдаймен аяқталуы қоғамда алаңдаушылық тудырып отыр. Тергеу нәтижесі бойынша қосымша мәліметтер ресми органдар тарапынан жарияланбақ.
Дереккөз: Baq.kz
