Отан шегарадан басталады. Сондықтан оны күзету Ұлттық қауіпсіздік комитетінің шегара қызметіне сеніп тапсырылған. Алакөл шегара басқармасының «Басқан» шегара бөлімшесінде қырағы қызметкерлер жұмыс істейді.
Басқандық шегарашылар жөнінде осылай деп айтуымыздың да реті бар. Оған бірнеше рет шегара тәртібін бұзған азаматтардың жолына тосқауыл болған оқиғалары куә. Бүгінде бұл үздік бөлімшелердің бірі. Іргетасының қаланғанына алпыс жылға жуықтаған бөлімшеде қызметкерлерге қажетті ғимараттың, құрал-жабдықтың барлығы бар.
Бөлімшені аға лейтенант Абдыхан Серікбай басқарады. Біліміне спорттық дайындығы сәйкес келген сегіз қырлы офицер басшылық жасайтын шегара бөлімшесінің осал болуға да қақысы жоқ.
Басқандық шегара сақшыларының кәсіби дайындықтары жоғары, әскери тәртіптері жақсы. Жоғары деңгейдегі жауынгерлік қызметтерінің арқасында шегаралық аймақ берік қолда. Жергілікті халық арасында құрмет пен беделге ие. Сондықтан да шегарашылардың еңбегі қашанда үлкен құрметке лайық. Олардың нәтижелі еңбегі темірдей тәртіп пен Отанға деген сүйіспеншіліктің жемісі.
Айдар ҚАЛИЕВ
