Жетісу облысы Ақсу ауданында тәртіп сақшылары жоғалған малды тауып, иесіне қайтарып берді. Бұл туралы облыстық Полиция департаментінің баспасөз қызметі хабарлады.
Полицияға жүгінген жергілікті тұрғын жоғалған малының табылып, өзіне қайтарылғаны үшін алғысын білдірді. Оның айтуынша, малдың жоғалуы отбасы үшін үлкен қиындыққа айналған.
«Полицейлер ресми міндетін ғана орындап қоймай, шын жүректен көмек көрсетті. Адами қарым-қатынастары мен кәсібилігіне ерекше ризамын», – деді тұрғын.
Полиция департаментінде атап өткендей, қоғамдық тәртіпті қорғау және азаматтардың құқықтарын қамтамасыз ету – олардың басты міндеттерінің бірі. Осындай жағдайлар тұрғындардың тәртіп сақшыларына деген сенімін арттырады.
