Талдықорғанда референдумға келген азаматтардың арасында туған күнін атап өтіп жатқан мерейтой иелері де болды. Солардың бірі биыл 60 жасқа толып отырған аяулы ана Эльза Макашева. Мерейтой иесі отбасымен бірге келіп, туған күнінде өз таңдауын жасады.
Сонымен қатар, бүгін 30 жасын атап өтіп жатқан Маржан Баркинбаева да дауыс берді.
Қаламызда мерейтойын атап өтіп жатқан азаматтар жетерлік. Атап айтқанда, бүгін 30 жасқа – 7 азамат, 40 жасқа – 6 азамат, 50 жасқа – 5 азамат, 60 жасқа – 8 азамат, 70 жасқа – 7 азамат, ал 80 жасқа – бір қария толып отыр.
Мерейтой иелері өз таңдауын жасап қана қоймай, жастарға азаматтық белсенділік пен елге деген сүйіспеншілік үлгісін көрсетті.
