Әл-Фараби кітапханасы – жоғары оқу орындары арасындағы ең үлкен кітап қорына ие кітапхана. Қазіргі уақытта бұл кітапхана қорында 2 миллионнан аса кітап бар.
Бұл кітапхананың алғашқы іргетасын Елбасымыз Нұрсұлтан Назарбаев қалаған.
ҚазҰУ-ді мүмкіндіктер әлемі деп білеміз. Бұл – еліміздегі оқу орындарымен қатар Студенттер үйі, кітапхана, медициналық орталығы, студенттерге көмек орталықтары бір жерде орналасқан бірегей университет.
Рухани байлықтың бәрі біздің ҚазҰУ кітапханасында сақталған. Әрбір адам өзінің білімін толықтыру үшін немесе білім алу үшін кемінде бір рет болсын кітапхана табалдырығын аттауы тиіс. Кітапхананың тағы бір ерекшелігі – асхананың болуы. Әрине, ешбір адам ашқарынға білім алғысы келмейді. Сондықтан университет әкімшілігі осыны ескергеніне ризамыз.
Қазіргі технологиялар дамыған кезеңде кітап тек қана қағаз бетіне емес, электронды нұсқамен де түсіріледі, бұл бізге өте ыңғайлы. Алайда кейбір кітаптардың электронды нұсқаларын табу мүмкін емес. Осындай мүмкіндікті ҚазҰУ кітапханасы ұсынады. Бұл жерде студенттер қалаған кітаптарының электронды нұсқасын жүктеп алуға, кітапты сканерлеп қағаз бетіне түсіруге мүмкіндігі бар. Кітапхананың ерекшелігі компьютерлермен қамтамасыз етілген арнайы орынның болуы, ол кітапхананың үшінші қабатында орналасқан. Университет студенттер үшін қажетті жабдықтарды дайындап, оларға көп мүмкіншілік береді. Тек сол мүмкіндікті пайдалана білуіміз керек. Болашақ жастар қазіргі қазақ қоғамының болашағы және негізі болып саналады. Сол себепті жарқын болашаққа жету үшін білімнің керегі сөзсіз.
Д. АМАНГЕЛЬДИЕВА,
О. ӨМІРБЕК,
әл-Фараби атындағы ҚазҰУ «Жерге орналастыру»
мамандығының 3-курс студенттері,
Г. АЙГАРИНОВА,
әл-Фараби атындағы ҚазҰУ «Кеден, қаржы және экологиялық құқық»
кафедрасының профессоры, заң ғылымдарының кандидаты
