Талдықорған: +6°C
$ 444.16
€ 487.29
₽ 5.40
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР РУХАНИЯТ

МҰРАЖАЙДАҒЫ МЕРЕЙЛІ СӘТ

21 шілде 2024
РУХАНИЯТ
МҰРАЖАЙДАҒЫ МЕРЕЙЛІ СӘТ
WhatsAppTelegramFacebook

Жаркент мешіті көркем-сәулет мұражайының ауласында қазақ бейнелеу өнерінің атасы Әбілхан Қастеевтің туғанына 120 жыл толуына орай Халықаралық «Қазақ тілі» қоғамы аудандық филиалының ұйымдастыруымен «Әбілхан әлемі» атты мәдени іс-шара өткізілді.

Шараның беташарын Халықаралық «Қазақ тілі» қоғамының Панфилов аудандық филиалының төрайымы Роза Ыстай кіріспе сөзбен ашты.

– Әбілхан Қастеев атамыз – еліміздің әйгілі кескіндемешісі, қазақ бейнелеу өнерінің негізін салушы талантты тума екені мәлім. Тамаша туындыларының қатарында ел тарихын ұлықтайтын Шоқан, Абай, Жамбыл, Амангелді сынды ұлы тұлғалардың бейнесін сомдаған картиналары өрнегі қайталанбас төлтумалары қалпында сақталды, – деп сөз өрген ол  суретшінің мерейтойының аясында жерлестері де түрлі мәдени-танымдық іс-шара өткізіп, ұлы тұлғаның талантын жастарға танытуда жоспарлы жұмыстар жүргізіп келе жатқанын тілге тиек етті.

 Алқалы басқосуда Қазақстан Суретшілер одағының мүшесі, ҚР Көркем-сурет Академиясының академигі, суретші, мүсінші Ақан Оймауытов Әбілхан Қастеев мұрасының көркемдік ерекшеліктері жайлы баяндама жасады.

– Қазақ бейнелеу өнерін Әбілхан Қастеевсіз көз алдымызға елестету мүмкін емес, себебі өткен ғасырдың 20-30 жылдары-ақ бейнелеу өнеріне ең алғаш назар аударған, Қазақстандағы болашақ Суретшілер одағының негізін қалаушылардың бірі болған Қазақстанның халық суретшісі Әбілхан Қастеев – адам жанын, оның шаттығы мен мұңын, қуаныш, сүйінішін, ішкі ой арпалысын, толғанысын тереңнен түсіне білген және айналадағы табиғат құбылыстарымен адам көңіл күйін шендестіре отырып, өз шығармалары арқылы өрнекті ойын көпшілікке шебер жеткізе білген тума талант, – деп баяндамасын бастаған суретші  Әбілхан Қастеев әлемін түсінікті, жатық тілмен терең талдап, тыңдарманын тума таланттың қайталанбас шеберлігінің сырларына бойлатты.

Шығыс сәулет өнерінің жауһары атанған Жаркент мешіті көркем-сәулет мұражайы тарихи кешенінің ауласына бұл күні оқушы, студент жастармен қатар өңірдің өнерсүйер қауымы жиналып, жергілікті халыққа танымал әнші, бишілер өнер көрсетіп шараның шырайын кіргізді. Үлкеншыған ауылдық Мәдениет үйінің директоры, дәстүрлі әнші Еркебұлан Қонашевтің орындауындағы «Сағынсам, қалқам, өзіңді», ҚР Мәдениет саласының үздігі Көркем Шойынбаева шырқаған «Далада», жас әнші Мейірман Мүтән орындаған «Мен қазақтың ұлымын» әндері мен «Сахинұр» би ансамблі орындаған «Қара жорға» биі көрермендерді сүйсіндірді. 

Жаркенттіктердің ең үлкен мақтанышы, Халық суретшісі Әбілхан Қастеев туралы ізгі тілек пен көркем ой әр жанның көкірегінде сайрап тұрары анық. Ол осы шара барысында ортаға шығып ой білдірген Қазақстан Жазушылар одағының мүшесі, ақын – этнограф Әдепхан Төреханұлы, атақты жүгеріші, Мемлекеттік сыйлықтың лауреаты Күлғайша Бердіғұлова, аудандық ардагерлер ұйымының төрағасы Тоқтарбай Керімқұлов лебіздерінен айқын аңғарылды. 
Шараға келгендер мұражайдың «Жұма мешіті» залына қойылған мүсінші Ақан Оймауытовтың тастан, ағаштан жасалған мүсіндер көрмесін тамашалап, Әбілхан Қастеевтің өмірі мен шығармашылығына арналған шырайлы шарадан рухани күш алып қайтты.

М. МАНАПҰЛЫ
 Панфилов ауданы

Қатысты жаңалықтар

270 мыңнан астам қазақстандық жасанды интеллект құралдарын қолдануды үйренеді

270 мыңнан астам қазақстандық жасанды интеллект құралдарын қолдануды үйренеді

19 қараша 2026
Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

19 қараша 2026
Қалдықтарды қайта өңдеу және кәдеге жаратудың тиімді тәсілдері талқыланды

Қалдықтарды қайта өңдеу және кәдеге жаратудың тиімді тәсілдері талқыланды

19 қараша 2026
«Таза Қазақстан»: келесі жылы Талдықорғандағы орталық саябақ жаңғыртылады

«Таза Қазақстан»: келесі жылы Талдықорғандағы орталық саябақ жаңғыртылады

19 қараша 2026

Елімізде 44 жаңа мектеп пен 37 балабақша пайдалануға берілді

18 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.