Күз мезгілі өзінің табиғатымен, тартымдылығымен ерекшеленеді. Осындай табиғаттың тартуын көрсету мақсатында Талдықорған гарнизонына қарасты 54380 әскери бөлімінде әскери қызметшілердің балаларымен орталық саябақта «Күз тартуы» атты қолөнер байқауы өтті.
Аталмыш іс-шараға қатысқан әскери қызметшілердің балалары өздері жасаған күзгі табиғи заттардан түрлі бұйымдарды көрсетті.
Осы сәтте әскери бөлімнің психологы, капитан Сәуле Күреңкеева ата-аналармен ашық әңгімемен қатар «Менің отбасым» тақырыбында психологиялық тренинг өткізіп, бала тәрбиесіне қатысты бірқатар мәселелерді талқылады. Алдағы уақыттарда да осындай игі шараларға белсене қатысуға шақырды.
— Дәл осындай байқаулардың арқасында балалар ашылып, өнерге деген қызығушылықтары арта түседі. Мемлекет басшысы өз Жолдауында атап өткендей, біз Отанымыз және барлық азаматымыз үшін жауапкершілікті сезінуіміз қажет, — деп атап өтті әскери қызметшілердің отбасы мүшелерімен жұмыс жөніндегі бөлімнің басшысы Дәрия Досанбекова.
Шара соңында қатысушыларды ынталандыру мақсатында марапаттау қағаздары табысталды.
Талдықорған гарнизонының баспасөз қызметі
Алматы облысы
