Қазақстан Президенті Қасым-Жомарт ТОҚАЕВ Нұр-Сұлтан қаласының атауын қайтадан Астана деп атау туралы жаңа Жарлыққа қол қойды.
«Қазақстан Республикасының əкімшілік-аумақтық құрылысы туралы» 1993 жылғы 8 желтоқсандағы Қазақстан Республикасы Заңының 9-бабына сәйкес ҚАУЛЫ ЕТЕМІН:
1.Қазақстан Республикасының елордасы – Нұр-Сұлтан қаласының атауы Қазақстан Республикасының елордасы – Астана қаласы деп өзгертілсін.
2.Осы Жарлық алғашқы ресми жарияланған күнінен бастап қолданысқа енгізіледі», — делінген Президент Жарлығында.
Айта кетейік, бүгінде Президент Жарлығы шыққаннан кейін жер-жерде Нұр-Сұлтан деген жазулар, жол бойындағы атау белгілері алынып жатыр.
«ЖЕТІСУ-АҚПАРАТ»
Сурет ғаламтордан алынды
