Бангкокта (Тайланд) волейболдан әйелдер командалары арасындағы 2-ші Азия чемпиондар лигасында ойнап жатқан «Жетісудың» жартылай финалдағы қарсыласы белгілі болды. «NEC Red Rockets Kawasaki» (Жапония) жергілікті «Harudotchonburi RMUTT» (Тайланд) командасын 3:0 (28:26, 25:16, 25:21) есебімен жеңіп, жетісулықтарға қарсылас атанды.
«Жетісу» командасының бас бапкері Марко Гршич жапониялықтарды турнирдің басты фавориттерінің бірі деп атап өтіп, қателіктерді кешірмейтін, кішкене саңылаудан ұпай алып кететін ұжым екенін айтқан болатын.
«NEC Red Rockets Kawasaki» (Жапония) және «Harudotchonburi RMUTT» (Тайланд) арасындағы ойынның үздігі – Есино Сатомен (17 ұпай – 12 шабуыл, 1 тосқауыл, 4 эйс), Сильвия Нвакалор (17 ұпай – 17 шабуыл). Екеуіде жапониялық ұжымның ойыншылары.
«Жетісу» кеше «BAO» (Қытай) командасын 3:2 нәтижесімен ұтқан еді.
Жартылай финалдағы «Жетісумен» «NEC Red Rockets Kawasaki» (Жапония) арасындағы ойын 29 сәуір, Қазақстан уақытымен 13:00-де болады.
Серік ҚАНТАЙ
арнайы Тайландтан
