Кербұлақ аудандық сот төрағасының көлікпен қашқан бейнежазбасына қатысты ресми жауап берілді, деп хабарлайды 7-su.kz желілік басылымы.
Осыған дейін сайтымызда аталмыш оқиғаға қатысты материал жариялағанбыз. Онда Кербұлақ аудандық сот төрағасының мемлекеттік нөмірсіз жүргені жазылған. Видео авторының айтуынша, Кербұлақ аудандық сотының төрағасы (Марат Жукенов - ред.) мемлекеттік нөмірсіз жолға шыққан. Мән-жайды сұрау мақсатында жанына барғанында, сот мырза қашып кеткен.
Бізде өз тарапымыздан оқиғаға бей-жай қарамай, тиісті органға сұрау жолдадық. Алған жауабымыз төмендегідей:
Жетісу облыстық сотының баспасөз қызметі: "Осы фактіні тексеру және шешім қабылдау үшін Судьялық әдеп жөніндегі комиссияға берілді", - деп мәлімдеді.
Сурет бейнежазбадан алынды