Оқи отырыңыз
Алматы облысының құтқарушылары Қапшағайда жоғалып кеткен қыз баланың анасын тапты. Бұл туралы "Жетісу" газеті Алматы облысының төтенше жағдайлар департаментіне сілтеме жасап хабарлайды.
Кеше сағат 14:40-та Қапшағай су қоймасындағы құтқарушыларға куәгерлер кішкентай қыз баланың ата-анасын таппай жылап жүргенін хабарлады. «Құтқарушылар төрт жасар қыздың анасын шамамен 30 минуттай іздеді. Жағалаудағы күркеде демалып отырған ата-анасы қызының жоғалғанын байқамай да қалған. Құтқарушылардың: «Балаңызды жоғалтып алған жоқсыз ба?» - деген сұрағына әуелі жоқ деп жауап берген олар көп ұзамай, қызының жоқ екенін айтқан», - деп атап өтті төтенше жағдайлар департаментінің баспасөз қызметі.
Департамент қызметкерлері ересектерді балаларын, әсіресе, су маңында қараусыз қалдырмауын сұрайды.
"ЖЕТІСУ-АҚПАРАТ"
