ЖУРНАЛИСТЕР АРАСЫНДА АЛТЫ НОМИНАЦИЯ БОЙЫНША БАЙҚАУ ӨТЕДІ - ЖЕТІСУ ОБЛЫСЫ

ҚР Сыбайлас жемқорлыққа қарсы іс-қимыл агенттігі БАҚ өкілдері арасында сыбайлас жемқорлыққа қарсы мәдениеттті қалыптастыруға бағытталған үздік журналистік жұмыстарға байқау жариялайды.

Байқауға редакцияның штаттық қызметкерлері және штаттан тыс авторлар немесе тілшілер, журналистер, баспасөз хатшылары, журналист-блогерлер қатыса алады.

Конкурс келесідей номинациялар бойынша марапатталады:

- «Мерзімді баспа басылымдары арасындағы сыбайлас жемқорлыққа қарсы тақырыпта Жетісу облысына қатысты үздік мақала»;
- «Интернет ресурстарда сыбайлас жемқорлыққа қарсы тақырыпта Жетісу облысына қатысты үздік мақала»;
- «Телеарналарда сыбайлас жемқорлыққа қарсы Жетісу облысына қатысты үздік  бейнесюжет»;
- «Сыбайлас жемқорлыққа қарсы тақырыпта Жетісу облысына қатысты үздік журналистік зерттеу»; 
- «Сыбайлас жемқорлыққа қарсы қызметтің жұмысын өңірлік деңгейде кеңінен жариялауы» (аудандық, қалалық БАҚ, интернет-ресурстар);
- «Сыбайлас жемқорлықтың алдын алу бойынша Жетісу облысының әлеуметтік желілердегі үздік жариаланым» (әлеуметтік желілер).

Материалдарды байқаудың ұйымдастыру комитетінің 7su-smi@mail.ru электрондық поштасына немесе Талдықорған қаласы, Балапанов көшесі, 28, №1028 кабинетіне келіп, өткізу керек.

БАҚ өкілдері арасында сыбайлас жемқорлыққа қарсы мәдениетті қалыптастыруға бағытталған үздік журналистік жұмыстардың  облыстық конкурс ЕРЕЖЕСІ

1.Жалпы ережелер

1.1.Жетісу облысының Қоғамдық даму басқармасы бұқаралық ақпарат құралдарында сыбайлас жемқорлыққа қарсы саясаттың іске асырылу барысын жария етуді жандандыру; Жетісу облысының бұқаралық ақпарат құралдарында азаматтардың сыбайлас жемқорлыққа қарсы іс-қимыл саласында құқықтық ағарту деңгейін арттыруға, сыбайлас жемқорлыққа қарсы қоғамдық сананы қалыптастыруға, сыбайлас жемқорлықты қабылдамауға бағытталған материалдардың шығуын ынталандыру мақсатында БАҚ өкілдері арасында сыбайлас жемқорлыққа қарсы мәдениетті қалыптастыруға бағытталған үздік журналистік жұмыстарға конкурс (бұдан әрі – конкурс) өткізеді.

2.Қатысушылар

2.1.Конкурсқа авторлар мен авторлық ұжымдар – редакцияның штаттық қызметкерлері және штаттан тыс авторлар немесе тілшілер, журналистер, баспасөз хатшылары, журналист-блогерлер (бұдан әрі – конкурсқа қатысушылар) қатыса алады.

3.Конкурс материалдарына қойылатын талаптар:

3.1.Конкурсқа журналистердің 2022 жылғы 1 қаңтар мен 2022 жылғы 20 қараша аралығында баспа БАҚ-та, ақпараттық агенттіктерде жарияланған авторлық жұмыстары, мемлекеттік және орыс тілдеріндегі бейнесюжеттер, телебағдарламалар қабылданады.

3.2.Жарияланымдар түпнұсқада немесе материалдың көшірмесінде/сканерленген нұсқасында (басылымды, күнін және автордың толық байланыс деректерін көрсете отырып) ұсынылуы тиіс.

3.4.Жұмыстың бейне жұмыстары эфирлік анықтамалардың сүйемелдеуімен телевизиялық бағдарламаның көшірмесі түрінде (cd/dvd дискілерінде, flash-тасығыштарда немесе сілтеме арқылы) ұсынылуы тиіс.

3.5.Электрондық БАҚ журналистеріне жарияланған материалдардың көшірмесін интернет-сайтта орналастырылғанын растай отырып жіберу қажет.

3.6.Материалдар мемлекеттік және орыс тілдерінде қабылданады. Ұсынылатын материалдарға міндетті түрде: өтінім, журналист туралы қысқаша өмірбаяндық ақпарат қоса берілуі тиіс.

3.7. Конкурсқа ұсынылатын жұмыстар саны.

3.8. Бір журналист 1 ғана жұмыс ұсына алады.

3.9. Конкурсқа материалдарды қабылдаудың соңғы күні – 2022 жылғы 30 қараша.

4.Байқауды өткізу кезеңдері

4.1. Байқау комиссиясы өз жұмысының қорытындысы бойынша байқау жеңімпаздарын анықтайды.

4.2. Конкурс келесідей номинациялар бойынша марапатталады:

• «Мерзімді баспа басылымдары арасындағы сыбайлас жемқорлыққа қарсы тақырыпта Жетісу облысына қатысты үздік мақала» ;
• «Интернет ресурстарда сыбайлас жемқорлыққа қарсы тақырыпта Жетісу облысына қатысты үздік мақала»;
• «Телеарналарда сыбайлас жемқорлыққа қарсы Жетісу облысына қатысты үздік  бейнесюжет»;
• «Сыбайлас жемқорлыққа қарсы тақырыпта Жетісу облысына қатысты үздік журналистік зерттеу»;
• «Сыбайлас жемқорлыққа қарсы қызметтің жұмысын өңірлік деңгейде кеңінен жариялауы» (аудандық, қалалық БАҚ, интернет-ресурстар);
• «Сыбайлас жемқорлықтың алдын алу бойынша Жетісу облысының әлеуметтік желілердегі үздік жариаланым» (әлеуметтік желілер);

5.Конкурстық комиссия

5.1. Конкурстық комиссияның құрамы Жетісу облысының қоғамдық даму басқармасы басшысының бұйрығымен бекітіледі. Конкурстық комиссия төраға мен комиссия мүшелерінен құралады. Конкурс комиссиясының құрамына Қазақстан Республикасы Сыбайлас жемқорлыққа қарсы іс-қимыл агенттігінің Жетісу облысы бойынша департаментінің, Жетісу облысы қоғамдық даму басқармасының өкілдері, журналистика ардагерлері, ҮЕҰ өкілдері кіреді.

6.Авторлық құқық

6.1.Жұмыстың авторлық құқықтарының сақталуына конкурсқа қатысушы жауапты болады. Конкурсқа қатыса отырып, автор байқаудың Ұйымдастыру комитетіне жіберілген материалды коммерциялық емес мақсаттарда (Интернетте, баспа басылымдарында, әлеуметтік желілерде орналастыру) пайдалануға автоматты түрде құқық береді.

7.Ұйымдастырушымен байланыс

7.1.Материалдарды байқаудың Ұйымдастыру комитетінің 7su-smi@mail.ru  электрондық мекенжайына жіберу керек немесе Талдықорған қаласы, Балапанов көшесі, 28, №1028 кабинетке хабарласуға болады.

8.Байқау жеңімпаздарын марапаттау

8.1. Байқау жеңімпаздары дипломдармен, сыйлықтармен марапатталады.

"ЖЕТІСУ-АҚПАРАТ"

---