Оқи отырыңыз
Қонаевтағы ойынханалар өңірдің дамуына еш кедергі келтірмейді. Мұндағы ойынхананың бәрі заңды жұмыс істейді. Бүгінгі таңда ойынханаға деген көзқарасты өзгерткеніміз жөн.
Қонаев қаласының әкімі Нұрлан Құматаев Alataunews.kz тілшісі Ақерке Жұмағазықызының: "Ойынханалар көшіріле ме?" - деген сұрағына осылай жауап берді.
Әкімнің айтуынша, ҚР Президентінің үкімімен Қапшағай қаласының атауы өзгертіліп, Алматы облысының орталығы мәртебесі берілген соң: «Қала имиджіне ойынханалар кері әсерін тигізіп жатыр», - деп шағымданатындар көбейген.
- Қазіргі таңда Қонаев-Алматы тас жолының бойында 15 ойын бизнесі ғимараты орналасқан: 5 казино, 4 слот-зал, 6 букмекерлік кеңсе. Әкімдіктің мамандары жүргізген мониторинг нәтижесінде ойынханаларда 7,5 мың адам жұмыспен қамтылғаны анықталды. Бұдан бөлек, ойынханалар заңды түр қызмет көрсетіп жатқанын айта кеткен жөн, – деді Нұрлан Құматаев.
Оның айтуынша, ойын бизнесіне басқаша көзқараспен қарайтын уақыт келді. Себебі, дамыған елдердің мегаполистерінде ойынханалар бар. Аталған жайт қала дамуына еш кедергі келтірмейді.
"АЛАТАУ-АҚПАРАТ"
