Оқи отырыңыз
Алматы облысы бойынша экология департаментінің басшысы лауазымына Қонысбек Байеділов тағайындалды.
Қазақстан Республикасы Экология, геология және табиғи ресурстар министрлігінің №518 бұйрығына сәйкес, Қонысбек Ескендірұлы Байеділов 2022 жылғы 9 желтоқсаннан бастап Экологиялық реттеу және бақылау комитеті Алматы облысы бойынша экология департаментінің басшысы лауазымына келді.
Қонысбек Ескендірұлы 1961 жылы 6 тамызда Алматы облысы, Райымбек ауданы, Жалаңаш ауылында туған. Алматы халық шаруашылығы институтын "экономист" мамандығы бойынша бітірген. Білімі - жоғары, экономика ғылымдарының кандидаты.
Еңбек жолын 1982 жылы Кеген ауданы Тоғызбұлақ ұжымшарының есепшісі болып бастаған. Кейіннен "Сельхозэнерго" шаруашылық бірлестігінің есепші-тексерушісі, ҚазКСР Қаржы министрлігі басқармасының экономисі, аға контролер-ревизоры болып жұмыс істеген.
1990 жылдан бастап Алматы қаласы қаржы басқармасында, ҚР Қаржы министрлігінде, ҚХР-дағы ҚР Елшілігінде, ҚР Сыртқы істер министрлігінде, ТМД атқару комитетінде, Қазақстанның қаржы-экономикалық дамуының халықаралық орталығында, "Қазгидромет" РМК-да, Алматы қалалық және облыстық экология департаменттерінде лауазымды қызметтер атқарған.
"АЛАТАУ-АҚПАРАТ"
