2024 жылғы 1 қаңтардан бастап еңбекке қабілеттіліктен айырылу және асыраушысынан айырылу жағдайлары бойынша төленетін әлеуметтік төлемдер өседі, — деп хабарлайды 7-su.kz желілік басылымы.
Тиісті үкімет қаулысы «Ашық НҚА» порталында жарияланды.
«2024 жылғы 1 қаңтарға дейін Мемлекеттік әлеуметтік сақтандыру қорынан тағайындалған еңбекке қабілеттіліктен айырылу және асыраушысынан айырылу жағдайлары бойынша төленетін әлеуметтік төлемдердің мөлшерлерін 2024 жылғы 1 қаңтардан бастап алатын әлеуметтік төлемдердің мөлшерінен 7 пайызға арттыру жүргізілсін», — делінген құжатта.
Қаулы 2024 жылғы 1 қаңтардан бастап қолданысқа енеді.
Құжат 15 қыркүйекке дейін қоғам талқысына шығарылды.
Дереккөз: «Opennews.kz»
Сурет: ғаламтордан алынды
