Қазақстан Премьер-лигасында Әлем кубогына қатысқан ойыншылар бар. Алайда Қазақстан чемпионатында жүріп Әлем кубогына қатысу құқығына ие болған тұңғыш ойыншы – Иван Башич. Ол Торонтода (Канада) өткен «В» тобының кездесуінде Босния құрамасының сапында алаң иелеріне (Канадаға) қарсы негізгі құрамда шықты. Матч 1:1 есебімен аяқталды, – деп хабарлайды 7-su.kz ақпараттық порталы.
WhoScored аналитикалық порталының нұсқасы бойынша, Башич өз ойыны үшін 7,5 ұпай алды. Бұл көрсеткіш Босния және Герцеговина құрамасының тек төрт ойыншысынан төмен. Ал негізі пас беру жөнінен кездесудегі көшбасшысылардың бірі болды (сәтті 4 пас берді). Матчтың үздік ойыншысы болып Башичтің құрамадағы әріптесі Никола Катич танылды.
Иван Башич «Астанаға» 2025 жылдың жазында Ресейдің «Оренбург» клубынан ауысып келді. Өткен маусымда 24 жастағы ойыншы «Астана» сапында 11 ойынға қатысып 3 пас берді. Биыл да елордалықтар сапында айрықша ойын көрсетіп жүр.
Еске сала кетейік, Босния және Герцеговина құрамасы Әлем кубогының іріктеуінде Италия құрамасын жеңіп, негізгі кезеңге жолдама алған болатын. Боснияның келесі қарсыласы – Швейцария (19 маусымда ойнайды).
