Алматы облысының әкімі Амандық Баталов Жетісу өлкесін газбен және ауызсумен қамту жұмыстары туралы айтып берді.
«Біз газдандыру бағытында да ауқымды жұмыстар атқарып келеміз. Өткен жылы облыс тұрғындарының 59%-ына газға қосылу мүмкіндігі жасалды. Биыл тағы 23 елдімекенде газға қосылуға жағдай жасалып, 61%-ға жетеді», — деді А.Баталов ҚР Президенті жанындағы Орталық коммуникациялар қызметінде өткен баспасөз мәслихатында.
Әкімнің айтуынша, қалған аудандарды газдандыру үшін «Талдықорған — Үшарал», «Шелек-Кеген» магистралды газ құбыры құрылысының жобалық-сметалық құжаттамасы аяқталады. Құрылыс жұмыстары келесі жылы басталады. «Облыста орталықтандырылған ауызсумен қамту деңгейі республика бойынша алдыңғы қатарда, яғни 98,3% (678 елдімекен). Биыл 7 ауылға су құбырын жүргізу арқылы бұл көрсеткішті 99,5% (685 елдімекен) жеткіземіз (48 елдімекен қалады), сол сияқты 11 ауылда ауызсу сапасы жақсартылады», — дейді А.Баталов.
«ЖЕТІСУ-АҚПАРАТ»
