Елімізде «ECO MEKEN» алғашқы қазақстандық эко реалити-шоуы өтеді. Бұл туралы «Жетісу» газеті хабарлады.
Бизнес саласында біліміңізді арттырып, елдің экологиялық хал-ахуалын жақсарту жолында үлкен тәжірибе жинағыңыз келе ме? Онда «ECO MEKEN» РЕАЛИТИ-ШОУЫНЫҢ ОНЛАЙН-КАСТИНГІНЕ қатысыңыз!
Шоудың жеңімпазы (І орын) өз эко-жобасын жүзеге асыру үшін 10 000 000 теңге көлемінде қаржылай сыйақыға ие болады. Ал II орын – 5 000 000 теңге, III орын – 3 000 000 теңге.
Қатысу үшін келесі талаптарды ғана орындауыңыз керек: ҚР тұрғыны болу; Жасыңыз 18-ден асқан болу; Эко саласында бизнес құруды армандау.
Өтінімдер «Хабар» телеарнасының сайтында (толық мәлімет алу үшін үстінен басыңыз) қабылданады.
Біздің ниетіміз – әлемді қорғау!
Айта кетейік, «ECO MEKEN» – экологиялық тақырыптағы алғашқы қазақстандық реалити-шоу. Бағдарлама қатысушылары өз тәжірибесі мен түсірілім кезінде бастан кешкен оқиғалары арқылы барлық үлкен эко-жоба кішігірім жұмыстан басталатынын көрсетеді.
Шоуға 16 үміткер қатысады. Олар түсірілім барысында білімін арттырып, елдің экологиялық хал-ахуалын жақсарту жолында үлкен тәжірибе жинайды.
Реалити-шоудың жеңімпазы өз эко-жобасын жүзеге асыруға мүмкіндік алады.
Қатысушылар екі топқа теңдей бөлінеді. Олар жартылай финалға дейін бірге жұмыс істейді. Әр апта сайын топ мүшелері берілген тапсырманы орындауы керек. Тапсырмалар экологиялық мәселелерді шешуге байланысты болады. Берілген шарттарды орындай алмаған топ өз ішінен бір адамды таңдап, жобадан шығарады. Қатысушылар түрлі сыннан өтіп, өз білімі мен күш-жігерін шыңдай түседі және табысқа жету үшін барын салады.
«ЖЕТІСУ-АҚПАРАТ»
