Әрбір Қазақстан азаматы жер кодексінің 50-бабына сәйкес, жеке тұрғын үй құрылысына арналған жер учаскесін тегін ала алады. Бұл туралы 7-su.kz ақпараттық порталы Stan.kz ақпарат агенттігі сілтеме жасап хабарлайды.
Жер учаскесі жеке меншікке 0,10 гектар (10 сотық) көлемінде беріледі. Ол кезек тәртібімен үлестіріледі. Ал оны алу үшін «Электронды үкімет» порталы арқылы онлайн өтініш беру қажет.
Krisha.kz ақпаратына сәйкес, тегін 10 сотық жерге кезек күн сайын өсіп келеді. Өткен жылы ресми мәліметтерге сәйкес, кезекте 3,9 миллион адам тұрған болса, қазір бұл көрсеткіш 4 миллионнан асып кеткен.
Көп адам кезекке тұрған өңірлер:
Алматы облысы – 1 284 488 адам
Түркістан облысы – 469 300
Ақмола облысы – 316 342
Ақтөбе облысы – 202 723
Атырау облысы – 168 140
Аз адам кезекке тұрған өңірлер:
Ұлытау облысы – 16 647 адам
Абай облысы – 35 000
Шығыс Қазақстан облысы – 45 700
Павлодар облысы – 59 000
Қалалардағы кезек саны:
Шымкент – 280 302
Астана – 247 795
Атырау – 133 778
Тараз – 130 477
Орал – 110 140
Семей – 32 220
Көкшетау – 32 095
Ескеретін бір жайт, мемлекет инфрақұрылымсыз жер учаскесін бере алмайды. Алдымен ол жерге электр жарығы мен су құбыры тартылуға тиіс. Сондықтан бос жер телімдерінің саны олардың инфрақұрылыммен қамтамасыз етілуіне байланысты артып отырады.
