«Қазгидромет» РМК-ның хабарлауынша, 2024 жылғы 22 мамырда Қазақстанның бірқатар өңірінде қолайсыз ауа райы күтіледі. Ел аумағында найзағай, бұршақ, дауыл және екпінді жел күтіліп отыр. Сонымен қатар, бірнеше облыста өрт қаупі жоғары және өте жоғары деңгейде болады.
Ұлытау облысы
Облыстың батысында, солтүстігінде және шығысында найзағай ойнап, бұршақ жауады, желдің жылдамдығы түнде және күндіз 15–28 м/с дейін жетеді. Орталығы, шығысы және оңтүстігінде өрт қаупі өте жоғары. Жезқазғанда да найзағай мен қатты жел күтіледі.
Қарағанды облысы
Батысында таңертең және күндіз найзағай, бұршақ және дауыл болады. Жел екпіні 15–28 м/с дейін күшейеді. Шығысында өрт қаупі жоғары деңгейде сақталады.
Батыс Қазақстан облысы
Солтүстігі мен шығысында найзағай, бұршақ және қатты жел болжанған. Желдің екпіні 15–20 м/с. Орал қаласында найзағай мен қатты жел күтіледі (18 м/с).
Жамбыл облысы
Таулы аудандарда найзағай мен бұршақ күтіледі. Солтүстігі мен оңтүстігінде шаңды дауыл болады. Желдің екпіні 15–23 м/с. Өрт қаупі солтүстігі мен оңтүстігінде жоғары, батысы мен шығысында өте жоғары. Таразда желдің жылдамдығы 15–20 м/с дейін жетеді.
Атырау облысы
Солтүстігі мен шығысында найзағай күтіледі. Желдің екпіні күндіз 15–20 м/с. Шығысы мен солтүстік-шығысында және оңтүстігінде өрт қаупі өте жоғары. Атырау қаласында да өрт қаупі өте жоғары күйінде қалады.
Қызылорда облысы
Түнде солтүстігінде найзағай мен қатты жел, күндіз шаңды дауыл болжануда. Желдің жылдамдығы 15–20 м/с. Өрт қаупі өте жоғары. Қызылордада шаңды дауыл болады.
Ақтөбе облысы
Батысы, солтүстігі мен шығысында найзағай болады. Жел 15–20 м/с. Бірқатар аудандарда өрт қаупі жоғары, оңтүстік-шығысында өте жоғары. Ақтөбеде найзағай және 15–18 м/с жел күтіледі.
Қостанай облысы
Күндіз оңтүстігінде нөсер, басқа аудандарда найзағай, бұршақ және қатты жел болады. Жел 15–20 м/с. Оңтүстігінде өрт қаупі өте жоғары. Қостанайда найзағай болжанған.
Солтүстік Қазақстан облысы
Оңтүстігінде нөсер, күндіз батысы мен оңтүстігінде найзағай, бұршақ пен қатты жел күтіледі. Жел екпіні 15–25 м/с дейін жетеді. Петропавлда найзағай болады.
Алматы облысы
Таулы аудандарда найзағай, ал батысы мен солтүстігінде күндіз +36°C ыстық болады.
Маңғыстау облысы
Түнде шығысы мен орталығында найзағай күтіледі. Жел екпіні 15–20 м/с. Батысында және Ақтауда өрт қаупі жоғары.
Павлодар облысы
Шығысында өрт қаупі жоғары, батысы мен оңтүстігінде – өте жоғары. Павлодарда да өрт қаупі жоғары.
Ақмола облысы
Күндіз найзағай, батысында бұршақ күтіледі. Желдің жылдамдығы 15–20 м/с. Батысында өрт қаупі өте жоғары.
Түркістан облысы
Таулы аймақтарда найзағай, басқа өңірлерде шаңды дауыл болады. Жел 15–23 м/с. Өрт қаупі өте жоғары. Шымкентте желдің жылдамдығы 15–20 м/с, Түркістанда шаңды дауыл болуы мүмкін.
Абай облысы
Солтүстік-батысы мен оңтүстігінде өрт қаупі өте жоғары.
Шығыс Қазақстан облысы
Оңтүстік-шығысында өрт қаупі өте жоғары.
Жетісу облысы
Күндіз шығысы мен таулы жерлерде жел 15–20 м/с. Оңтүстігі мен шығысында +37°C дейін ыстық. Өрт қаупі жоғары және өте жоғары деңгейде. Талдықорғанда өрт қаупі жоғары.
Астана қаласы
Күндіз найзағай күтіледі.
