2 шілдеде еліміздің көптеген өңірінде аптап ыстық сақталады, деп хабарлайды «Қазгидромет» РМК.
Ұлытау облысында күндіз 35-38 градусқа дейін қатты ыстық орнайды. Облыстың батысында, оңтүстігінде және шығысында төтенше өрт қаупі сақталады. Жезқазғанда күндіз 35 градусқа дейін ысиды.
Жамбыл облысының таулы аймақтарында найзағай болжанады. Солтүстік-шығыстан жел соғып, таулы аудандарда жылдамдығы 15-20 м/с-қа дейін жетеді. Күндіз облыс бойынша 38 градусқа дейін аптап күтілуде. Өңір бойынша төтенше өрт қаупі бар, шығыс аймақтарда өрт қаупі жоғары деңгейде. Тараз қаласында да өрт қаупі сақталып отыр.
Қостанай облысының батысы мен солтүстігінде найзағай болуы ықтимал. Күндіз облыстың оңтүстігінде ауа температурасы 35 градусқа дейін жоғарылайды. Оңтүстік-батыста төтенше өрт қаупі сақталады.
Қарағанды облысының шығысында найзағай болжануда. Батыс, шығыс және оңтүстік бөліктерінде төтенше өрт қаупі бар.
Солтүстік Қазақстан облысының батысында найзағай өтеді. Түнде және таңертең батыс пен солтүстікте тұман түседі. Оңтүстік аудандарда өрт қаупі жоғары. Петропавл қаласында да түнгі және таңғы уақытта тұман түсуі мүмкін.
Алматы облысында солтүстіктен және солтүстік-шығыстан соққан жел таулы аудандар мен оңтүстік-шығыста 15-20 м/с жылдамдыққа дейін күшейеді. Күндіз 35-36 градусқа дейін ыстық орнайды. Облыстың солтүстігі, батысы мен орталығы – төтенше өрт қаупі бар аймақтар. Оңтүстік пен шығыста өрт қаупі жоғары. Алматы мен Қонаев қалаларында 35 градусқа дейін ыстық болады, өрт қаупі сақталады.
Ақтөбе облысының батысы, солтүстігі мен шығысында найзағай, ал күндіз бұршақ түсуі мүмкін. Жел батыстан және оңтүстік-батыстан соғады. Оңтүстік пен шығыста екпіні 15-20 м/с-қа жетуі ықтимал. Оңтүстік өңірлерде 35 градусқа дейін ысиды. Орталықта – төтенше, ал оңтүстікте жоғары өрт қаупі байқалады.
Жетісу облысында солтүстік-батыстан соққан жел Алакөл маңында 15-20 м/с екпінмен соғады. 2-4 шілде аралығында күндізгі температура 35-39 градусқа дейін көтерілмек. Талдықорғанда да дәл осындай аптап күтілуде.
Қызылорда облысында ауа температурасы 40-41 градусқа дейін көтеріледі. Өңірде төтенше өрт қаупі сақталып отыр. Қызылорда қаласында да дәл осындай жағдай күтілуде.
Абай облысының солтүстігі мен шығысында найзағай жарқылдауы мүмкін. Күндіз солтүстік, оңтүстік және орталық бөліктерде найзағаймен қатар бұршақ пен дауыл қаупі бар. Жел батыстан және солтүстік-батыстан соғып, екпіні таңертең және күндіз 15-23 м/с-қа жетеді. Шығыста – жоғары, оңтүстікте – төтенше өрт қаупі тіркелуде. Семейде күндіз найзағай мен бұршақ болжануда, жел екпіні 15-20 м/с.
Шығыс Қазақстан облысының солтүстігі мен шығысында найзағай болады, күндіз бұршақ пен дауыл қаупі бар. Жел бағыты оңтүстік-шығыстан солтүстік-батысқа ауысады. Таңертең және күндіз жел екпіні 15-23 м/с аралығында. Өскеменде күндіз найзағай мен бұршақ күтіледі.
Атырау облысының оңтүстігінде найзағай байқалуы мүмкін. Батыстан және оңтүстік-батыстан соғатын жел солтүстікте 15-20 м/с жылдамдыққа жетеді. Батыс және оңтүстік аудандарда өрт қаупі жоғары.
Түркістан облысының батысында және шөлді аймақтарда 40-42 градус аптап күтіледі. Өңірде төтенше өрт қаупі сақталып отыр. Шымкентте де қауіп деңгейі жоғары. Түркістан қаласында күндіз 40-42 градусқа дейін ысиды.
Павлодар облысының солтүстік, шығыс және оңтүстік бөліктерінде найзағай күтіледі. Солтүстік-батыстан соғатын желдің екпіні 15-20 м/с-қа дейін жетеді. Батыс бөлікте өрт қаупі жоғары. Павлодарда да найзағай болады деп болжануда.
Маңғыстау облысының батысы мен солтүстігінде найзағай байқалады. Жел солтүстік-батыстан және солтүстіктен соғады, екпіні 15-20 м/с. Күндіз оңтүстікте 38 градусқа дейін аптап сақталады. Батыс, оңтүстік және орталық бөліктерде өрт қаупі жоғары. Ақтауда да осы қауіп деңгейі сақталуда.
Батыс Қазақстан облысының солтүстігі, шығысы және оңтүстігінде найзағай жарқылдайды. Күндізгі уақытта солтүстік пен шығыста найзағайдың ықтималдығы жоғары. Жел оңтүстік-батыстан соғып, екпіні 15-20 м/с. Орал қаласында да күндіз найзағай болжануда, жел екпіні 18 м/с-қа дейін жетуі мүмкін.
Түркістан облысында түнгі температура +17+22°С-тан +25+30°С-қа дейін, ал күндіз +34+39°С-тан +39+44°С аралығында ысиды. Оңтүстікте температура +46°С-қа дейін жетуі ықтимал. Мұндай ауа райы аясында өрт қаупі өте жоғары деңгейде сақталады.
