«Қазгидромет» РМК мамандары 1–3 шілде аралығына арналған ауа райы болжамын ұсынды, деп хабарлайды 7-su.kz ақпараттық порталы.
Синоптиктердің айтуынша, алдағы күндері республика аумағының басым бөлігінде ауа райына циклон және оған байланысты атмосфералық фронтальды бөліктер әсер етеді. Соның салдарынан жаңбыр жауып, найзағай ойнауы мүмкін.
-
1 шілде күні еліміздің батысы мен шығысында,
-
3 шілдеде солтүстік-батыс өңірде
бұршақпен бірге қатты жаңбыр жаууы ықтимал.
Тек республиканың орталық, оңтүстік және оңтүстік-шығыс өңірлерінде негізінен жауын-шашынсыз, ашық ауа райы күтіледі.
Сонымен қатар, батыс және оңтүстік облыстарда желдің күшеюі және шаңды дауылдар болуы мүмкін.
Аптап ыстық күтіледі
-
Оңтүстік-шығыста күндізгі температура 35-39°C,
-
2–3 шілдеде орталық өңірлерде 35-38°C,
-
Оңтүстікте 40-44°C дейін аптап ыстық күтіледі,
-
3 шілдеде солтүстік өңірлерде 30-35°C жылы болады.
