Мемлекеттік кірістер комитеті (МКК) азаматтарға алаяқтардың жаңа әдісіне қатысты маңызды ескерту жасады. Ведомство басшылығының атынан мессенджерлер арқылы жалған хабарламалар тарату фактілері көбейіп кеткен. Бұл туралы Мемкірістер комитетінің Telegram арнасында хабарланды.
Комитеттің мәліметінше, WhatsApp және Telegram қосымшаларында ведомство басшыларының атынан таратылатын хабарламалар шындыққа жанаспайды. Бұл – интернет-алаяқтардың әрекеті.
Комитет халықты сақ болуға шақырып, келесідей кеңестерді ұсынады:
-
Күмән тудыратын хабарламаларға сенбеңіз
-
Бөгде сілтемелерге өтпеңіз
-
Белгісіз тұлғаларға ақша аудармаңыз
-
Хабарлама шынайылығын міндетті түрде тексеріңіз
МКК ресми арналардан басқа ешбір платформа арқылы хабарламалар таратпайтынын ескертеді. Азаматтардан сақтық танытып, күмән тудыратын кез келген ақпаратты нақтылауға кеңес береді.
