Бүгін «Әділет» партиясы Жетісу облыстық сайлауалды штабы өкілдерінің Ескелді ауданына қарасты Бақтыбай ауылы тұрғындарымен кездесті.
Кездесу барысында ауыл халқы үшін аса маңызды мәселелер – сапалы жол, таза ауыз су, тұрақты жылу, интернет, тұрғын үй, медициналық қызмет және әлеуметтік нысандардың қолжетімділігі сөз болды. Бұл ауылдардың инфрақұрылымын жаңарту мен абаттандырудың тұрғындардың күнделікті өміріне тікелей әсер етеді.
Сонымен қатар инженерлік желілерді жетілдіру, қоғамдық орындарды жарықтандыру, елді мекендердегі қауіпсіздікті қамтамасыз ету және тұрғын үй қорын дамыту мәселелеріне назар аударылды. Ауылдық жерлерде базалық қызметтердің сапасы мен қолжетімділігін арттыру халықтың өмір сүру жағдайын жақсартудың маңызды тетігі екені айтылды.
Кездесуде ауылдардың экономикалық әлеуетін арттыруға да басымдық берілді. Кәсіпкерлікті дамыту, шағын бизнеске қолдау көрсету, жаңа жұмыс орындарын ашу және ауыл тұрғындарының өз ісін бастауына мүмкіндік жасау бағыттары талқыланды.
Басқосуда тұрғындардың ұсыныстары тыңдалып, жергілікті жердегі нақты мәселелерді шешу жолдары бойынша пікір алмасу өтті. Ауылдың тұрақты дамуы үшін инфрақұрылым, әлеуметтік жағдай және экономикалық мүмкіндік қатар қарастырылуы қажет екені атап өтілді.
Кездесу ашық пікір алмасу форматында өтіп, тұрғындардың көкейіндегі мәселелер мен ұсыныстар ортаға салынды.
