Балқаш көлінің жағалауында елдегі «Заң мен Тәртіп» идеологемасы мен «Таза Қазақстан» жалпыұлттық бастамасын іске асыру мақсатында «Қауіпсіз жағалау» акциясы ұйымдастырылды.
Азаматтардың қауіпсіздігін қамтамасыз ету мен қоғамдық тәртіпті сақтауға бағытталған бұл шара Прокуратура, Төтенше жағдайлар бөлімі және Полиция қызметкерлерінің бірлесуімен өтті. Шара барысында демалушыларға су айдындарындағы қауіпсіздік ережелері түсіндіріліп, балаларды қараусыз қалдырмау және сақтық шараларын ұстану қажеттігі ескертілді.
Сонымен қатар, акция аясында ауқымды сенбілік ұйымдастырылып, көл жағалауын тазалауға 70-тен астам адам белсене қатысты. Шашылған қоқыстар жиналып, демалушыларға қоршаған ортаны ластамау, қоқысты тек арнайы орындарға тастау және табиғи аумақтарға ұқыпты қарау жөнінде түсіндіру жұмыстары жүргізілді.
Тазалық пен қауіпсіздік – бір-бірімен тығыз байланысты, қоғамның игілігіне қызмет ететін ортақ құндылықтар. Жағалаудың тазалығын сақтау, табиғатты қорғау және заң талаптарын орындау – әрбір азаматтың міндеті.
Таза жағалау – қауіпсіз жағалау! Таза Қазақстан – ортақ міндет! Заң мен тәртіп – қауіпсіз қоғамның негізі!
