11 шілде күні еліміздің үш қаласында атмосфералық ауаның ластануына ықпал ететін қолайсыз метеорологиялық жағдайлар (ҚМЖ) күтіледі. Бұл туралы «Қазгидромет» РМК мәлім етті, деп хабарлайды 7-su.kz ақпараттық порталы.
Синоптиктердің болжамынша, бүгін еліміздің бірнеше қаласында ауа сапасы нашарлауы мүмкін.
Қолайсыз метеожағдайлар (ҚМЖ) деп — атмосфераның беткі қабатында зиянды заттардың шоғырлануына ықпал ететін әлсіз жел, тұман, температуралық инверсия сияқты қысқа мерзімді метеорологиялық құбылыстардың жиынтығы аталады. Мұндай кезде ауадағы зиянды қоспалар қалыпты мөлшерден артып, тұрғындардың денсаулығына кері әсер етуі мүмкін.
Мамандардың кеңесі:
-
ұзақ уақыт далада болудан бас тарту;
-
ашық ауада ауыр физикалық жүктемелерден сақтану;
-
балалар мен егде жастағы адамдарға серуен уақытын қысқарту;
-
мүмкіндігінше бетперде пайдалану.
«Қазгидромет» мамандары атап өткендей, ауадағы ластану деңгейіне желдің бағыты мен жылдамдығы, жауын-шашын мөлшері, ауа температурасы мен ылғалдылығы сияқты табиғи факторлар тікелей әсер етеді. Сондықтан ауа сапасы күн сайын өзгеріп отырады.
Жергілікті тұрғындарға метеожағдайды қадағалап, қауіпсіздік шараларын ұстануға кеңес беріледі.
