eGov Mobile қосымшасының «Цифрлық құжаттар» бөлімінде жаңа құжат қолжетімді болды. Енді әрекетке қабілетсіз кәмелетке толған азаматтарға қорғаншылық белгілеу туралы мәліметті тікелей мобильді қосымша арқылы көруге болады.
Бұл туралы 7-su.kz ақпараттық порталы.
Бұл цифрлық құжат ҚР Еңбек және халықты әлеуметтік қорғау министрлігінің ақпараттық жүйесі негізінде автоматты түрде қалыптастырылады. Құжатта келесі деректер қамтылады:
-
Жеке сәйкестендіру нөмірі (ЖСН);
-
Қорғаншы мен қамқорлыққа алынушының толық аты-жөні (Т.А.Ә.);
-
Туған күні;
-
Жергілікті атқарушы органның бұйрығының нөмірі мен күні;
-
«Күні жарамды» өрісі.
Аталған құжат түрлі қызметтерді алу барысында немесе ұйымдарға жүгіну кезінде көрсетіле алады.
Жаңа цифрлық құжат ҚР Еңбек және халықты әлеуметтік қорғау министрлігі, ҚР Цифрлық даму, инновациялар және аэроғарыш өнеркәсібі министрлігінің Мемлекеттік қызметтер көрсету комитеті, «Еңбек ресурстарын дамыту орталығы» АҚ және «Ұлттық ақпараттық технологиялар» АҚ арасындағы серіктестік аясында енгізілді.
