Жаңа заң медициналық сақтандыру және медициналық қызмет көрсету жүйесін жетілдіруге бағытталған. Құжат қолданыстағы заңнамаға бірқатар маңызды түзетулер мен толықтырулар енгізеді.
Міндетті әлеуметтік медициналық сақтандырудағы өзгерістер
Заң аясында:
-
Міндетті медициналық сақтандыру қағидаттары кеңейтіледі;
-
Мемлекет төлейтін жарналар мөлшерлемесі кезең-кезеңімен өзгертіледі;
-
Жарна төлеуде уақытша үзіліс болған жағдайда, азаматтың сақтандырылған мәртебесін қорғау механизмі енгізіледі.
Егер азамат немесе жұмыс беруші 60 ай бойы үздіксіз жарна төлеген болса, кейін төлем тоқтаған күннен бастап 6 айға дейін сақтандыру жүйесінде медициналық көмек алу құқығы сақталады. Алайда бұл жеңілдік жарна төлеу міндетінен босатпайды.
Төлем мен шегерім тәртібі нақтыланды
-
Шегерімдерді есептеу үшін қабылданатын ай сайынғы табыс сомасы – қызметкердің есептелген кірістерінің барлық түріне негізделеді.
-
Бұл сома ең төменгі жалақының 40 еселенген мөлшерінен аспауы тиіс.
-
Ал жарналарды есептеу кезінде қолданылатын кіріс көлемі ең төменгі жалақының 20 еселенген мөлшерінен аспауы тиіс.
Егер мұндай жарналар төленгені құжатпен расталса, азаматтың басқа табыс көздерінен қосымша жарна төлеу талап етілмейді.
Жұмыс беруші немесе салық агенті ұсынатын анықтамада алынған, есептелген және төленген жарна сомасы көрсетілуі тиіс.
Айта кету керек, бұл талаптар тәуелсіз төлеуші ретінде тіркелген жеке тұлғаларға қолданылмайды.
Заң қашан күшіне енеді?
Жаңа заң 2026 жылғы 1 қаңтардан бастап күшіне енуі жоспарланып отыр.
