Бас прокурор Берік Асылов президент Қасым-Жомарт Тоқаевтың алдында жасаған баяндамасында Қазақстандағы қылмыс деңгейі, әлемдік рейтинг, ұрланған активтерді қайтару мәселесі жайлы мәлімет берді, деп хабарлайды 7-su.kz ақпараттық порталы Azattyq Rýhy сайтына сілтеме жасап хабарлайды.
«Кеше құқық қорғау органдарының кеңейтілген отырысында Мемлекет басшысына жасаған баяндамамнан. Қазақстан әділеттілікке, заң үстемдігіне және тәртіпке негізделген даму жолымен сенімді ілгерілеп келеді. Конституциялық өзгерістер прокуратураның құқық қорғау әлеуетін күшейтті. Құқық қорғау органдары жазалаушы тәсілден профилактика қағидатына көшті», — дейді бас прокурор.
Ол өз жазбасында Қазақстандағы оң өзгерістерді жариялады.
Қылмыс деңгейі екі есе төмендеді
Соңғы жылдары Қазақстанда қылмыс деңгейі айтарлықтай азайды.
- Жалпы қылмыс – 2 есеге;
- Адам өлтіру мен зорлау – 50%-ға;
- Бұзақылық – 70%-ға;
- Қарақшылық пен тонау – 80%-ға.
Қазақстан – жаһандық рейтингте жоғарылады
Қылмыстық индекс бойынша Қазақстан әлемдік тізімде 60 сатыға көтерілді. Бұл – елдегі тұрақтылық пен реформаларға халық сенімінің артқанын білдіреді.
Азаматтардың құқықтарын қорғау
- 2 млн адамның әлеуметтік құқығы қалпына келтірілді;
- 4 млрд теңге еңбекақы қайтарылды;
- 12 млрд теңге алимент өндірілді;
- 850 түлек пен мұқтаж жан баспанамен қамтамасыз етілді;
- 630 млрд теңге мемлекет кірісіне қайтарылды.
Ұрланған активтерді қайтару
770 млрд теңге бюджетке қайтарылды. Осы қаражат есебінен 300-ден астам мектеп, аурухана, спорт нысаны салынып жатыр, 2 млн-ға жуық адам ауыз сумен қамтамасыз етіледі.
Прокуратура бұл қаржының мақсатты жұмсалуын бақылайды
Көлеңкелі капиталды заңдастыру
- 5,3 трлн теңгеден астам инвестиция тартылды;
- Ерікті келісімдер жасалды – бұл жаңа инфрақұрылым, жұмыс орындары және қылмыстың алдын алу.
Инвесторларға нақты қолдау
- 1 300-ден астам инвесторға көмек көрсетілді
- Нәтижесінде 10 мыңнан астам жұмыс орны ашылды және сақталды
Бизнеске қысым азайды
- Инвесторларға қарсы азаматтық істер саны – 25%-ға,
- Қылмыстық істер – 3,8 есеге азайды (1553-тен 406-ға дейін)
Тергеу – толық электрондық форматта
- Қылмыстық істердің 95%-ы электронды түрде тергеледі;
- Бейнебақылау толық енгізілді – азаптау жағдайлары 4 есеге азайды.
Іздеудегі тұлғалар жасанды интеллект арқылы ұсталады
- «Цифрлық қадағалау» және ЖИ технологиялары арқылы;
- Жыл басынан бері 2500 қашқын ұсталды.
Киберқылмысқа тосқауыл
- Халықаралық фейк-колл орталықтар жойылып жатыр;
- SIM-бокстар мен SIP-телефония бұғатталуда.
Есірткі бизнесіне жаңа тәсілдер
- Таргетинг орталығы іске қосылды;
- 10 млрд теңгеден астам есірткі қаржысы бұғатталды.
