Аптап ыстықтан Еуропада адамдар қайтыс болып жатыр
Бұл туралы 7-su.kz ақпарттық порталы madeniportal.kz сайтының дерегіне сүйеніп хабарлайды.
Маусым айының соңынан шілденің басына дейін Еуропаның 12 қаласында болған аномальды ыстық салдарынан 2 300-ден астам адам көз жұмған. Бұл туралы Imperial College London мен Лондон тропикалық медицина және гигиена мектебі жүргізген зерттеуде айтылған.
Ғалымдардың бағалауынша, бұл өлім-жітімнің шамамен 65%-ы климаттың өзгеруіне тікелей байланысты. Жер температурасының 1–4°C-қа жоғарылауы өлім көрсеткішіне әсер еткен.
Қаза тапқандардың басым бөлігі – егде жастағы адамдар. Жалпы өлім-жітімнің 88%-ын 65 жастан асқандар құрайды.
Ең көп өлім тіркелген қалалар:
• Милан – 317 адам
• Барселона – 286 адам
• Париж – 235 адам
Сондай-ақ Лондон, Мадрид, Афина, Рим және басқа да ірі қалаларда да жағдай ауыр болған.
Мамандар климаттың жылынуы алдағы жылдары мұндай апаттардың жиілеуіне себеп болуы мүмкін екенін ескертіп отыр.
