ҚР ҰҚК Шекара қызметі Жетісу облысы бойынша департаменті Алакөл ауданы бойынша шекара басқармасына қарасты «Достық» шекара бөлімінде офицерлерге кезекті әскери атақтарды табыстауға арналған салтанатты іс-шара ұйымдастырылды.
Шара барысында басқарма бастығы қызметтік міндеттерін адал әрі абыроймен атқарып жүрген офицерлерге алғысын білдіріп, әскери атақтың офицерлер үшін зор жауапкершілік пен мәртебе екенін атап өтті. Ол жаңа атақ иелерін құттықтап, оларға ел қауіпсіздігін қамтамасыз ету жолындағы қызметтерінде табыс тіледі.
Салтанатты рәсім соңында офицерлер Отан алдындағы антына адал болып, шекара күзетінде абыройлы қызмет ететіндерін жеткізді.
ҚР ҰҚК Шекара қызметі Жетісу облысы бойынша депаратаменті
