ҚР Ұлттық ғылым академиясы» республикалық қоғамдық бірлестігі таратылды.
Ұлттық ғылым академиясы таратылғандықтан, енді барлық ғалым президент жанындағы ұлттық ғылым академиясына шоғырланады. Бұл шешім Қазақстан президенті жанындағы ұлттық ғылым академиясының қызметіне ұқсас функциялардың қайталануын болдырмай, оны жаңа форматтағы бірегей әрі орнықты ғылыми орталық ретінде нығайтуға мүмкіндік береді дейді ғалымдар.
«Жиын барысында бірауыздан ҚР ҰҒА РҚБ академиктерін ҚР Президент жанындағы ҚР ҰҒА (Жоғары ғылыми ұйым) құрамына трансформациялау «ҚР ҰҒА» республикалық қоғамдық бірлестігін ұйым Жарғысында көрсетілген барлық талаптарды сақтай отырып ерікті түрде таратуға қатысты тарихи шешім қабылданды. Жалпы жиналысқа қатысқан академиктер елдің ғылыми әлеуетін бір орталыққа шоғырландыруды көздеген азаматтық ұстанымға қолдау білдірді», деп хабарлады ҚР Ұлттық ғылым академиясы.
Айта кетейік, Ұлттық ғылым академиясы 2023 жылы құрылған. Сол жылдан бастап ғылымды тұрақты қаржыландыру қамтамасыз етілді.
Дереккөз: Orda.kz.
Фото: matritca.kz
