Қазақстан Республикасының Мемлекеттік рәміздер күніне орай, ҚР ҰҚК Шекара қызметі Жетісу облысы бойынша департаментіне қарасты Алакөл ауданы бойынша шекара басқармасының Кәсіптік техникалық оқу орталығының жас сарбаздары Үшарал қаласының Орталық алаңында өткен Алакөл ауданы әкімінің ұйымдастыруымен өткен салтанатты іс-шараға белсене қатысты.
Бұл күн – әрбір қазақстандықтың жүрегіне отансүйгіштік сезім ұялататын, елдік пен бірлікті дәріптейтін айрықша мереке. Жас шекарашылардың сап түзеп, мемлекеттік Туға тағзым етіп, ел Әнұранын асқақтата шырқауы – олардың Отанға деген адалдықтарын, болашақ қорғаушылар ретіндегі жауапкершіліктерін айқын көрсетті.
Іс-шарада Алакөл ауданының басшылығы, ардагерлер, білім және мәдениет саласының өкілдері құттықтау сөз сөйлеп, Мемлекеттік рәміздердің тарихы мен маңызын кеңінен баяндады. Жас буын өкілдеріне елдік мұрат пен ұлттық болмысты қастерлеу жөнінде тағылымды ойлар айтылды.
Оқу орталығының курсанттары үшін бұл мерекелік жиын — әскери тәрбие мен рухани дамудың тағы бір жарқын үлгісі болды. Олар өздерінің тәрбиеленіп жатқан ордасының абыройын жоғары ұстап, рәміздерге деген шынайы құрметтерін көрсетіп, патриоттық рухтың лайықты мұрагері екендерін дәлелдеді.
ҚР ҰҚК Шекара қызметі Жетісу облысы бойынша депаратаменті
