Қазақстан Республикасының Мемлекеттік рәміздер күніне орай, ҚР ҰҚК Шекара қызметі Жетісу облысы бойынша департаментіне қарасты Алакөл ауданы бойынша шекара басқармасының «Айдала» шекара бөлімшесінде тәрбие мен тағылымға толы іс-шара ұйымдастырылды.
Аталған іс-шараға Достық ауылдық округі әкімшілігінің өкілдері арнайы шақырылып, шекара қызметкерлерімен еркін форматтағы сұхбат өткізілді. Басқосу барысында Мемлекеттік Ту, Елтаңба және Әнұранның тарихи маңызы мен олардың тәуелсіз Қазақстанның ең басты нышандары ретінде алатын орны кеңінен сөз болды.
Шарада ауыл әкімшілігі тарапынан Мемлекеттік рәміздерді құрметтеудің маңыздылығы мен оларды өскелең ұрпақ санасына сіңіру жөнінде тағылымды ойлар айтылып, шекарашылардың ел тыныштығы жолындағы еңбегі ерекше атап өтілді.
Сұхбат еркін пікір алмасу түрінде өтіп, жас сарбаздар өз ойларын ортаға салып, Отан алдындағы парыз бен Мемлекеттік рәміздерге деген құрмет жайында өз көзқарастарын білдірді.
Бұл іс-шара шекара бөлімшесі мен жергілікті билік өкілдері арасындағы ынтымақтастықты арттырып қана қоймай, әскери-патриоттық рухты нығайтуда маңызды рөл атқарды.
ҚР ҰҚК Шекара қызметі Жетісу облысы бойынша депаратаменті
