Президент Қасым-Жомарт Тоқаев 28 маусым – Бұқаралық ақпарат құралдары (БАҚ) қызметкерлерінің күніне орай журналистерді кәсіби мерекелерімен құттықтады, деп хабарлайды 7-su.kz ақпараттық порталы Ақордаға сілтеме жасап.
«Құрметті журналистер! Бұқаралық ақпарат құралдарының қызметкерлері!
Сіздерді кәсіби мерекелеріңізбен шын жүректен құттықтаймын!» – деді Мемлекет басшысы.
Президент өз құттықтауында әділетті Қазақстанды құру жолындағы журналистердің маңызды рөлін атап өтті. Ол БАҚ өкілдерінің:
-
Қоғамда құндылықтар жүйесін жаңғыртуға,
-
Ұлттың жаңа сапасын қалыптастыруға,
-
Еңбекқорлық пен білімпаздықты, адалдықты дәріптеуге үлес қосып жатқанын ерекше атап өтті.
«БАҚ – азаматтық диалогтың ашық алаңы» екенін айтқан Президент, журналистердің:
-
Өзекті мәселелерді көтеріп,
-
Оқиғаларды жан-жақты талдап,
-
Популизм мен арандатушылыққа тосқауыл болып отырғанын,
-
Мемлекет пен қоғам арасындағы байланысты нығайтып келе жатқанын» жеткізді.
«Қазақстан журналистері – өз ісінің хас шеберлері ғана емес, азаматтық ұстанымы берік патриоттар», – деді Қасым-Жомарт Тоқаев.
Мемлекет басшысы журналистерге зор денсаулық, бақ-береке және шығармашылық табыс тіледі.
БАҚ қызметкерлері күні туралы
-
28 маусым – Бұқаралық ақпарат құралдары қызметкерлерінің күні.
-
Бұл дата 1991 жылғы 28 маусымда қабылданған «Бұқаралық ақпарат құралдары туралы» Заңмен байланысты.
-
Аталған заң еліміздегі журналистиканың дамуына серпін беріп, мемлекеттік БАҚ-пен қатар жекеменшік басылымдардың пайда болуына жол ашты.
-
2019 жылы Мемлекет басшысының №431 Қаулысымен, бұл күн ресми кәсіби мереке ретінде бекітілді.
