Кемел Тоқаев атындағы саябақта, спорт күніне арналған мерекелік іс-шара өтті.
Шараның мақсаты – бұқаралық спортты дамыту, салауатты өмір салтын насихаттау және жастарды спортқа баулу. Бүгінгі кешке аудан тұрғындары, спортшылар, жаттықтырушылар мен спорт ардагерлері қатысуда.
Мерекелік жиында спорттың денсаулық пен белсенді өмір салтындағы маңызы атап өтілді. Қаратал ауданының спортшылары аудандық, облыстық және республикалық жарыстарда жоғары нәтижелер көрсетіп келеді. Бүгінгі марапаттар соның дәлелі десек артық емес шығар.
Салтанатты шара барысында маусым-шілде айларында өткен футболдан аудан чемпионатының қорытындысы шығарылды.
Чемпионатқа ауданның үздік футбол командалары қатысып, өзара тартысты бәсекеге түскен болатын.
Жарыс қорытындысы бойынша жүлдегер командалар мен спортшылар марапатталып жатыр.
Марапаттау рәсімін Қаратал ауданы әкімінің орынбасары Айбек Оңғаров өткізді. Сондай-ақ, бүгінгі спорт күні мерекелік және спорттық бағдарламалармен жалғасын тапты.
